Sveitarstjórn Flóahrepps hefur samþykkt að álagning fasteignagjalda fyrir árið 2008 verði óbreytt frá fyrra ári.
Fasteignaskattur er lagður á í þremur flokkum sem skiptast í eftirfarandi:
a-flokkur 0,50% af fasteignamati:
Íbúðir og íbúðarhús ásamt lóðarréttindum, erfðafestulönd í dreifbýli og jarðeignir, útihús og mannvirki á bújörðum sem tengd eru landbúnaði, öll hlunnindi og sumarbústaðir ásamt lóðarréttindum.
b-flokkur 0,88% af fasteignamati:
Sjúkrastofnanir samkvæmt lögum um heilbrigðisþjónustu, skólar, heimavistir, leikskólar, íþróttahús og bókasöfn
c-flokkur 1,35% af fasteignamati:
Allar aðrar fasteignir, svo sem iðnaðar-, skrifstofu- og verslunarhúsnæði, fiskeldismannvirki, veiðihús og mannvirki sem nýtt eru fyrir ferðaþjónustu.
Vatnsgjald
Vatnsgjald verður 0,2% af fasteignamati eignar sem tengst geta vatnsveitum sveitarfélagsins.
Lágmarksálagning verður 6.000 kr. og hámarksálagning verður 18.000 kr. á íbúðar-og sumarhús.
Landspildur sem ekki bera fasteign en eru tengdar vatnsveitu sveitarfélagsins greiða kr. 10.000 á ári.
Lóðarleiga er 1% af lóðamati.
Sorphirðu-og sorpeyðingargjald
Sorphirðugjald :
Fyrir hálfsmánaðarlega tæmingu
a) 240 lítra tunna 8.000 kr.
c) 660 lítra kar 10.000 kr.
d) 1100 lítra kar 14.000 kr.
Sorpeyðingargjald:
Íbúðir 5.500 kr.
Sumarhús 5.500 kr.
Atvinnurekstur iðnaðarhverfi 12.000 kr.
Atvinnurekstur lögbýli 6.500 kr.
Ofangreind gjöld hafa sömu gjalddaga og fasteignaskatturinn og er innheimtu þeirra hagað á sama hátt.
Greiðslufyrirkomulag verði samkvæmt eftirfarandi:
Greiðslur sem eru 20.000 kr eða lægri eru með einn gjalddaga, 1. mars. Greiðslur sem eru 20.001 kr til 60.000 kr greiðast á þremur gjalddögum, 1. mars, 1. maí og 1. júlí. Greiðslur 60.001 kr. og hærri greiðast á fimm gjalddögum, 1. mars, 1. maí, 1.júlí, 1. september og 1. nóvember.
Eindagi verði 30 dögum eftir gjalddaga.