Ársreikningur A og B-hluta Flóahrepps fyrir árið 2006 var lagður fram til seinni umræðu á fundi sveitarstjórnar 13. júní.
Ársreikningurinn samanstendur af rekstri sveitarfélaganna þriggja fyrri hluta ársins og rekstri sameinaðs sveitarfélags seinni hluta ársins. Samanburðarfjárhæðir við árið 2005 í efnahagsreikningi eru samanlagðar fjárhæðir allra sveitarfélaganna.
Til A hluta telst starfsemi sem er að hluta eða öllu leyti fjármögnuð með skatttekjum. Hér er um að ræða Aðalsjóð og Eignasjóð.
Til B hluta teljast fjárhagslega sjálfstæð fyrirtæki sem að hálfu eða meirihluta eru í eigu sveitarfélagsins en rekstur þessara fyrirtækja er fjármagnaður með þjónustutekjum. Fyrirtæki sem falla undir B hluta starsemi Flóahrepps eru vatnsveita og leiguíbúðir.
Ársreikningurinn var til fyrri umræðu 6. júní s.l og kom Auðunn Guðjónsson endurskoðandi KPMG á fund sveitarstjórnar og kynnti reikninginn.
Helstu niðurstöður samantektar A og B hluta eru eftirfarandi:
Heildarrekstrartekjur kr. 255.431.603
Heildarrekstrargjöld kr. 243.436.065
Rekstrarniðurstaða kr. 6.771.800
Eigið fé kr. 230.222.517
Skuldir kr. 140.559.161
Eignir kr. 370.781.678
Ársreikningurinn var samþykktur samhljóða og áritaður. Hann er aðgengilegur á heimasíðunni hér. Þeir sem óska eftir útprentuðum eintökum geta nálgast þau á skrifstofu sveitarfélagsins.